❤خلاصہ اٹھائیسواں پارہ ❤

💞🌹🌹 *اٹھائیسواں پارہ​* 🌹🌹​​💞
اس میں کل 9 سورتیں ہیں:

💞*(١) سورہ مجادلہ*💞

خولہ بنت ثعلبہ رضي الله عنها کے شوہر نے ان سے ظہار کر لیا جس کا مطلب یہ ہوتا ہے کہ یہ عورت اپنے شوہر کے لئے حرام ہوگئی، خولہ پریشان ہوئی کہ اب کیا ہو گا چنانچہ نبی کریم صلی اللہ علیہ و سلم کے پاس آئ اور اپنی فریاد پیش کی اور بار بار پیش کی ہر بار آپ صلی اللہ علیہ و سلم یہی فرماتے رہے کہ آپ اپنے شوہر کے لئے حرام ہوگئی آخر اس عورت نے اپنا رب کی طرف ہاتھ اٹھائے تو اللہ رب العزت نے  نبی کریم صلی اللہ علیہ و سلم پر یہ سورت نازل کی جس میں ظہار کے کفارہ کا بیان ہے
*١۔ ایک غلام آزاد کیا جائے* یا
*٢۔ مسلسل دو ماہ کے روزے* یا
*٣۔ ساٹھ مسکینوں کو کھانا کھلایا جائے۔*

💞*(٢) سورہ حشر*💞
اس سورت میں کئی باتیں ہیں:
*1.* بنونضیر قبیلے نے جب نبی کریم صلی اللہ علیہ و سلم کو دھوکے سے قتل کرنا چاہا تو آپ نےان کا محاصرہ کرلیا کئی دنوں کے محاصرے کے بعد وہ لوگ وہاں سے نکلنے پر تیار ہوئے چنانچہ انہیں جلاوطن کیا گیا اور یہ پہلی جلاوطنی تھی جو خیبر کی جانب ہوئی پھر حضرت عمر رضی اللہ عنہ کے دور میں ملک شام کی طرف نکال دیا گیا۔
*2-* ایک صحابی رسول صلی اللہ علیہ و سلم کے مہمان رسول کی ضیافت کا بیان اور میزبان کی تعریف ہے۔
*3-* الله تعالى کے بعض صفات کا بیان ہے۔

💞*(٣) سورہ ممتحنہ*💞
اس سورت میں کئی باتیں ہیں:
*1-* مسلمانوں کو تنبیہ کی گئی ہے کہ وہ اسلام دشمنوں سے دوستی نہ کریں کیونکہ ان سے اسلام کوہمیشہ تکلیف ہی پہنچی ہے۔
*2-* جب عورتیں ہجرت کر کے مدینہ منورہ آنے لگیں تو نبی کریم صلی اللہ علیہ و سلم کو حکم دیا گیا کہ ان سے اس بات پر بیعت لیں کہ وہ شرک نہیں کریں گی، چوری نہیں کریں گی، زنا نہیں کریں گی، اپنی اولاد کو قتل نہیں کریں گی اور بہتان تراشی نہیں کریں گی۔

💞*(۴) سورہ صف*💞
اس سورت میں کئی باتیں ہیں:
*1-* جس چیز کی نصیحت کی جائے اس پر پہلے عمل کیا جائے ورنہ داعی مجرم ہوگا۔
*2-* جہاد کرنے والے اللہ کی نگاہ میں محبوب ہیں۔
*3-* کوئی کتنی ہی طاقت صرف کردے لیکن نور الہی یعنی اسلام کو مٹا نہیں سکتا ہے۔

💞*(۵) سورہ جمعہ*💞
اس سورت میں کئی باتیں ہیں:
*1-* جمعہ کی فضیلت اور اس کے بعض آداب کا بیان ہے۔ ایک مرتبہ نبی کریم صلی اللہ علیہ و سلم خطبہ دے رہے تھے مال تجارت آیا لوگ آپ کو قیام کی حالت میں چهوڑ کر چلے گئے جس پر سورت نازل ہوئی۔
"2-* بے عمل علماء کا بیان کہ وہ مثل گدھے کے ہیں جس پر بوجھ لدا ہوا ہے لیکن اسے یہ نہیں معلوم کہ یہ بوجھ کس چیز کا ہے۔

*💞(٦) سورہ منافقوں*💞
اس سورت میں کئی باتیں ہیں:
*1-* اس بات کا بیان ہے کہ منافقین رسالت کی گواہی دینے میں جهوٹے ہیں۔ نیز نبی اکرم صلی اللہ علیہ و سلم اور صحابہ کرام رضی اللہ عنہم کو ان کی چالبازیوں سے ہوشیار رہنے کا حکم دیا گیا ہے۔
نیز غزوہ احد کے موقع پر رئیس المنافقين عبد اللہ بن ابی نے یہ کہا تھا کہ مدینہ میں ہم رہیں گے نبی اور مسلمان نہیں، عزت والے ہم ہیں نبی اور مسلمان نہیں چنانچہ اللہ تعالیٰ نے اس کا جواب اس سورت میں دیا ہے۔
*2-* مومنوں کو اس بات کی تنبیہ کی گئی ہے کہ کہیں یہ مال اور اولاد تمہاری بربادی کا ذریعہ نہ بن جائیں۔

💞*(٧) سورہ تغابن*💞
اس سورت میں کئی باتیں ہیں:
*1-* قیامت کے دن جنتی جنت میں رہتے ہوئے غبن کریں گے وہ اس طرح سے کہ وہ لوگ جو جہنم میں چلے گئے ان کا بھی گهر جنت میں بنایا گیا ہے اب ان کے جہنم میں جانے کی وجہ سے جنت والاگهر خالی رہے گا تو جنتی اس پر قبضہ جما لیں گے اسی وجہ سے اس دن کا ایک نام یوم التغابن بهى پڑ گیا۔
*2-* مومنوں کو متنبہ کیا گیا ہے کہ تمہاری بیویوں اور اولاد میں سے بعض تمہارے دشمن ہیں تمہیں ان سے چوکنا رہنے کی ضرورت ہے۔

💞*(٨) سورہ طلاق*💞
اس سورت میں کئی باتیں ہیں:
*1-* طلاق کے بعض مسائل کا بیان
*2-* مختلف قسم کی عورتوں کی عدت کا بیان کہ نابالغہ اور آئسہ کی عدت تین ماہ حمل والیوں کی عدت وضع حمل وغیرہ
*3-* متقیوں کو پریشانی سے نجات ملے گی۔
 بےحساب رزق ملے گا۔
ان کے معاملات آسان ہونگے۔
ان کے گناہ مٹائے جائیں گے۔
اور اجرعظیم ملے گا۔

💞*(٩) سورہ تحریم*💞
اس سورت میں کئی باتیں ہیں:
*1-* نبی کریم صلی اللہ علیہ و سلم حضرت زینب بنت جحش کے پاس کچھ دیر ٹھہر تے اور وہاں شہد پیتے حضرت حفصہ اور عائشہ رضی اللہ عنہما نے وہاں معمول سے زیادہ ٹھہر نے سے روکنے کے لئے اسکیم تیار کی کہ ان میں سے جس کے پاس بھی نبی آئیں تو وہ ان سے یہ کہے کہ آپ سے مغافیر کی بو آرہی ہے چنانچہ انہوں نے ایسا ہی کیا آپ نے فرمایا : میں نے تو زینب کے صرف شہد پیا ہے اب میں قسم کھاتا ہوں کہ یہ نہیں پیوں گا اس پر یہ سورت نازل ہوئی۔
*2-* دو جہنمی عورتوں کا بیان ہے اور یہ دونوں نبی کی عورتیں ہیں (نوح، لوط علیہما السلام) اور ان کا کافروں کے لئے بطور مثال ہے اور مومنین کے لئے دو عورتوں کی مثال بیان کی گئی ہے۔
ایک فرعون کی بیوی آسیہ اور
دوسرے عمران علیہ السلام کی بیٹی مریم کہ وہ جنتی ہیں....

‏🌴🌴🌴‏🌴🌴🌴
والسلام محمد عاطف